Die Farm der Tiere:
Der Khayes-Folvark
"Ale khayes zaynen glaykh.
Ober teyl khayes zaynen
glaykher vi andere."
Her Yoynes, funem Mayontek-Folvark, hot af ibernakht gehat
farshlosn di oyfes-hayzlekh, ober er iz geven azoy shiker, az er hot fargesn tsu
farmakhn di khaye-tirlekh. Mitn ring likht fun zayn lamtern a tsetantstn fun
zayt tsu zayt, hot er zikh geplontert mit di fis un mit di hent, aropgevorfn di
shtivl bay der hinter-tir, ongegosn far zikh a letst glezl bir fun der fas vos
shteyt in hinter-kikh, un arufgekrokhn mit di trep ahin, vu Froy Yoynes hot
shoyn gekhropet.
Glaykh vi di likht in shloftsimer hot zikh oysgeloshn, hot zikh gehert a
bavegenish un a flaternish durkh di ale folvark-binyonim. Bemeshekh funem tog
hot zikh gehat farshpreyt a yedie, az dem altn Mayor, dem premirtn "mitl-vaysn"
kaban, hot zikh di forike nakht gekholemt a modner kholem, vos er vil im itst
ibergebn di andere khayes. Me hot shoyn opgeredt, az ale veln zikh tsunoyfkumen
inem groysn shayer, bald vi me vet zayn zikher, az Her Yoynes iz do nito. Der
alter Mayor (azoy hot men im dokh shtendik gerufn, khotsh oysshteln fleg men im
in amolike yorn oysshteln untern nomen "Der Vilingdoner Krasavyets"), hot gehat
afn folvark aza gutn shem, az yeder iz geven greyt uftsugebn a sho shlof, kedey
tsu hern dos vos er vil zogn.
Diese Ausgabe enthält den jiddischen Text in hebräischer und
in lateinischer Schrift.
[Bestellen?
Klick!]
Verlag M. Naumann 2001,
Übersetzt von Charles Nydorf
und Elinor Robinson
Euro 16,50, ISBN 3-933575-69-9
hagalil.com / 07-12-03 |